1 месец бремени? Честитки!
Дали знаевте дека всушност во 1вата и 2рата недела сеуште не сте бремени?
Се прашувате кога точно зачнавте? Доколку имате просечен циклус од 28 дена, тогаш најверојатно сте имале овулација 2 недели по првиот ден од вашиот последен циклус. Тоа значи дека според овој начин на пресметување каде бременоста трае 40 недели, во 1вата и 2та недела сеуште нема бебе 🙂
Околу овој период се случува процесот на фертилизација, односно вашата јајце клетка и сперматозоидот на вашиот партнер се соединуваат во еден од двата јацеводи на матката и формираат 1 клетка. Каква прекрасна трансформација ќе следи! Од една еднинствена клетка ќе се формира вашето убаво машко или женско бебе. Оваа клетка започнува брзо да се дели и по 4 или 5 дена од фертилизацијата, сега веќе е топка од повеќе клетки наречена блатоциста и ќе се имплантира во вашата матка. Дел од овие клетки ќе станат вашето бебе, а дел, неговата плацента.
Симптоми кои може да ги очекувате во првиот месец се:
- Мачнини
- Осетливи гради
- Зголемено чувство за мирис
- Покачена температура
- Умор
- Подуеност
- Гадење и повраќање
- Метален вкус во устата
- Но и многу мало крварење наречено имплантационо крварење
Во која недела дознавте за вашата бременост?
