Многу пати имав гледано на телевзија и баш се прашував какво е чувството. Кога слушнав дека и кај нас е достапен овој метод на породување си реков ете шанса да пробаш 😄 ( секако доколку ги исполнував условите).
Докторот што ми ја водеше бременоста ми објасни за начинот и кои се условите за породување во вода пошто не секоја можи да се пораѓа во вода ( условите се бебето да е со главата надолу,мајката да нема висок крвен притисок, да не е близначка бременост, да нема претходен царски рез и не ми текнува уште нешто).
Дојде и денот на породување 😊.
Во 8:30 часот ме примија,условите за породување во вода ги исполнував(јеее 😊),сестрите ја спремија кадата за породување (негде 9 см. бев отворена кога влегов во кадата) и во моментот кога седнав внатре се осетив опуштено( водата е инаку 37 степени), болките со помал интензитет, напнувањето воопшто не болеше, исто и самото излегување на бебето воопшто не осетив болка.
Да напоменам епидурал не ставаат ако се пораѓаш во вода заради можни инфекции.
Моето сонце со две напнувања излезее 😇. Пак ќе речам болката беше многу минимална а чувството прекрасно 😊😇,веднаш си ја зедов во раце да се гушниме.
Штета што ја немаше оваа можност и за првото дете(првото пораѓање беше со епидурал).
Така да секоја што има можност и услови го препорачувам породувањето во вода пошто стварно е преубаво чувство.
