Патувањето со бебе може да ви изгледа застрашувачки и да ви предизвикува стрес затоа би сакала да споделам со вас неколку работи кои може да ги испланирате однапред со цел да си го олесните патувањето.
Проверете однапред какви се политиките на вашата авиокомпанија во врска со патување со бебе, во однос на резервации на седишта, колички, рачен багаж
Информирајте се за вашите летови и истражете ги политиките на авиокомпанијата во однос на новороденчињата како што се резервации на седишта, дали бебето ќе седи во вашиот скут, на посебно седиште, дали следува дополнителен рачен предмет и дали авиокомпанијата нуди други удобности за време на летот со новороденче.
За време на полетувањето или слетувањето дојте го бебето или понудете му шише или цуцла за да избегнете непријатност во ушите кај бебенцето од промената на воздушниот притисок.
Доење или хранење на бебето со млеко при полетувањето и слетувањето се препорачува за бебиња бидејќи дејството на цицање и голтање помага да се изедначи притисокот во нивните уши. За време на полетувањето и слетувањето, промената на надморската височина може да предизвика непријатност или дури и болка во ушите поради промената на воздушниот притисок. Ние возрасните, непријатноста може да ја ублажиме со зевање или голтање, но бебињата можеби не знаат како да го направат тоа ефикасно. Па така доколку го доите бебето, му дадете шише или цуцла за време на полетувањето и слетувањето, може да ја намалите непријатноста или болката што бебето би можело да ги почувствува во ушите во тие моменти.
Доењето има и други придобивки за бебето за време на летот. Може да обезбеди чувство на удобност и сигурност, да му помогне да се релаксира и да заспие како и да му обезбеди исхрана и хидратација за време на летот.
За поголем конфорт при доењето облечете маичка за доење или блуза со која лесно ќе можете да му дадете на вашето бебе да јаде, а доколку ви е непријатно, иако доењето е сосема природен чин можете и дополнително да си земете прекривка за доење.
Понесете количка или кенгурче за бебиња за полесен транспорт.
Во рачниот багаж понесете ги сите потребни работи како пелени, марамчиња, и дополнителна облека. Облечете го бебето во слоеви облека и понесете ќебенце во случај да му пристуди.
Сменете ја пелената пред летот – суво бебе е среќно бебе 
И најважно останете смирени и трпеливи и запомнете дека е во ред ако вашето бебе плаче или нервира за време на летот.
