Царскиот рез е хируршка процедура која се користи за да се роди бебето преку засек во стомакот и матката на мајката. Во многу случаи, царскиот рез се изведува кога природното породување не е возможно или не е безбедно за мајката или бебето.
Царскиот рез може да спаси животи во ситуации кога има компликации при породувањето кои се опасни по живот. Сепак царскиот рез е голема абдоминална операција и носи ризици како и секога друга операција за мајката и за бебето.
Според препораките царскиот рез најдобро е да се користи само во оние ситуации кога е медицински неопходен.
Каков вид на царски рез постои?
Царскиот рез може да биде закажан предвремено, може да се случи за време на породувањето и да имате време да дискутирате за ситуацијата и да поставите прашања, може да се случи брзо и итно без чекање или да станува збор за избор на мајката.
Што да очекуваме?
Обично мајката е будна за време на операцијата. Лекарите го прават засекот во стомакот и матката и потоа го извлекуваат бебето. Обично целата постапка трае околу 30-60 минути. По царскиот рез, мајката обично останува во болница неколку дена за да се опорави.
Причини за планиран царски рез:
- Бебето е во неповолна позиција
- Мајката или бебето имаат здравствени проблеми
- Мајката имала претходно царски рез или друга хируршка процедура која може да влијае за повторен царски рез. Повеќе плодна бременост
- Сексуално преносливи болести или активен херпес
Причини за НЕпланиран царски рез:
- Предолга прва или втора фаза од породувањето.
- Неочекувана компликација со здравјето на мајката или неочекувана компликација со здравјето на бебето. Диспропорција на главата на бебето и пелвисот на мајката
- Пролапс на папочна врвца
- Плацентарна абрупција
Ризици од царскиот рез
Царскиот рез инвазивна процедура и носи со себе ризици како што се инфекции, крварење, повреда на блиски органи и други проблеми.
Повеќе околу процедурата на извршување на царскиот рез , причините, ризиците и што да очекувате зборуваме на курсот за трудници.
